فلسطین کی اقوام متحدہ کی مکمل رکنیت کی درخواست پر سیکیورٹی کونسل میں عدم اتفاق

نیویارک: فلسطین کی اقوام متحدہ کی مکمل رکنیت کی درخواست پر سیکیورٹی کونسل میں اتفاق نہ ہوسکا۔ تفصیلات کے مطابق مالٹا کی سفیر ونیسا فریزیئر ...

نیویارک: فلسطین کی اقوام متحدہ کی مکمل رکنیت کی درخواست پر سیکیورٹی کونسل میں اتفاق نہ ہوسکا۔

تفصیلات کے مطابق مالٹا کی سفیر ونیسا فریزیئر کی سربراہی میں سیکیورٹی کونسل کا اجلاس منعقد ہوا۔ فلسطین کی اقوام متحدہ کی مکمل رکنیت کی درخواست پر سیکیورٹی کونسل کے ارکان متفق نہ ہوسکے۔

ونیسا فریزیئر نے بتایا کہ فلسطینی اتھارٹی کی درخواست پر کونسل ارکان میں اتفاق رائے نہ ہوسکا، سیکیورٹی کونسل کے دوتہائی ارکان فلسطین کی مکمل رکنیت کے حق میں ہیں۔

فلسطین کو 2012 سے اقوام متحدہ میں غیر رکن مبصر کا درجہ حاصل ہے۔ فلسطین نے اقوام متحدہ کی مکمل رکنیت کیلئے 2011 درخواست میں جمع کرائی تھی۔

واضح رہے کہ فلسطین کی جانب سے گزشتہ ہفتے اقوام متحدہ کی رکنیت کی درخواست پر غور کا مطالبہ کیا گیا تھا۔

from ARYNews.tv | Urdu – Har Lamha Bakhabar https://ift.tt/v673FrY<
By arynews Urdu