سندھ اور بلوچستان میں اب انسانی اسمگلرز کے سہولت کار پکڑے جائیں گے

کراچی: پاکستان کے دو صوبوں سندھ اور بلوچستان میں اب انسانی اسمگلرز کے سہولت کار پکڑے جائیں گے۔ تفصیلات کے مطابق یونان میں تارکین وطن کی کشت...

کراچی: پاکستان کے دو صوبوں سندھ اور بلوچستان میں اب انسانی اسمگلرز کے سہولت کار پکڑے جائیں گے۔

تفصیلات کے مطابق یونان میں تارکین وطن کی کشتی حادثے میں پاکستانیوں کے جاں بحق ہونے کے واقعے کے بعد ایف آئی اے نے سندھ اور بلوچستان میں انسانی اسمگلرز اور ان کے سہولت کاروں کے خلاف کریک ڈاؤن کا فیصلہ کر لیا ہے۔

اس سلسلے میں ایف آئی اے کراچی، حیدرآباد، اور کوئٹہ زون کے ڈائریکٹرز کو کمیٹیاں بنانے کے احکامات جاری کر دیے گئے ہیں۔

ایف آئی اے کے ایڈیشنل ڈائریکٹر جنرل ساؤتھ کی جانب سے جاری کیے گئے احکامات کے مطابق ہر زون میں متعلقہ زونل ڈائریکٹر اپنی کمیٹی کا سربراہ ہوگا، یہ کمیٹیاں ملوث ایجنٹوں کے خلاف مہم کی ہفتہ وار کارکردگی رپورٹ پیش کرنے کی پابند ہوں گی۔

from ARYNews.tv | Urdu – Har Lamha Bakhabar https://ift.tt/HDtyQdU<
By arynews Urdu